Раҳмоналиев ва жамоадошлари “Швеция мўъжизаси”ни такрорлашга тайёр

Ўзбекистон миллий терма жамоаси футболчиси Умарали Раҳмоналиев ўйнаётган Озарбайжоннинг амалдаги чемпиони “Сабах” Европа Чемпионлар лигаси саралаш раунди ва плей-офф босқичидан муваффақиятли ўтиб, энг нуфузли мусобақанинг асосий гуруҳида иштирок этиш ҳуқуқини қўлга киритган эди.

“Сабах” клуби кузатув кенгаши аъзоси Игорь Пономарёв жамоаси учун 2026/2027 йилги Чемпионлар лигасининг умумий босқичи қуръаси натижаларини шарҳлади.

- Айтиш мумкинки, биз “ўлим гуруҳи”га тушдик. Гуруҳимизга жуда кучли жамоалар йиғилди. Бир томондан, бу бизнинг обрўмизни оширади – биз янада кўпроқ ривожланишимиз ва яхшироқ ўйнашимиз керак.

Бундай катта жамоаларнинг Озарбайжонга келиши жуда яхши. Биз курашамиз. Биз шунчаки таслим бўлмаймиз ва бу аниқ масала. Яхши натижа кўрсатишни хоҳлаймиз. Ҳаракат қиламиз.

2006 йилги жаҳон чемпионатида Швеция “ўлим гуруҳи”га тушганини ҳеч қачон унутмайман, улар бу вазиятни енгиб, кейинги босқичга чиқишган. Биз ҳам имкон қадар яхши ўйнашга ҳаракат қиламиз.

Бундай жамоаларга қарши ўйнаш футболчилар учун катта завқ. Шу билан бирга, бу футболчилар янада яхши ўйнашни ўрганадиган жараёндир, - деди Игорь Пономарёв.

Қуръа натижасига кўра, “Сабах” футболчилари Англиянинг “Манчестер Юнайтед” ва “Арсенал”, Норвегиянинг “Викинг”, Испаниянинг “Вильярреал “ жамоалари билан сафарда куч синашади.

Боку шаҳридаги стадионга эса Чехиянинг “Славия Прага”, Германиянинг “Боруссия Дортмунд”, Испаниянинг “Барселона” ва Италиянинг “Наполи” жамоалари келади.

Умарали Раҳмоналиев Европа Чемпионлар лигасининг саралаш ва плей-офф босқичиларида саккизта учрашувнинг барчасида майдонга тушди. Легионеримиз бу ўйинларда ўта ишончли ҳаракат қилди, ўз ҳисобига биттадан гол ва ассист расмийлаштирди.

Рақиб мураббийи Шомуродов ҳақида қаттиқ гапирди!

Шомуродов супергол билан тўпурар баҳсида юқори кўтарилди

Беҳруз Каримов ўйнаган учрашувдан кейин “Лугано” биринчи ўринга кўтарилди

"Сити" Ҳусановга жароҳат етказган юлдузни 99 миллион еврога оляпти

Ўзбек футболчиси нега Россияни тарк этди?

Ҳусанов қозоқ клуби бош мураббийига мурожаат қилди

"Манчестер Сити" Ҳусановга муҳим хабар юборди