“Ювентус” бир тўпурар учун икки футболчисини беради

Турин клуби раҳбарлари мексикалик ҳужумчи Рауль Хименесни олиш учун “Вулверхэмптон”га икки нафар футболчисини таклиф қилмоқда.

“Ювентус” АПЛ тўпурари Туринга келса, унинг ўрнига ҳимоячи Даниэле Ругани ва ярим ҳимоячи  Федерико Бернардескини беради. Италияликлар бу таклиф “бўрилар”га маъқул келишига ишонмоқда.

Мексикалик ҳужумчи эса “Ювентус”да Гонсало Игуаиннинг ўрнини эгаллайди. Агар бу рокировка амалга ошса, “Ювентус” Хименес учун 50 миллион евро сарфлашдан қутилади.