“Челси” Диего Костага янги шартнома таклиф қилмоқчи

Лондоннинг “Челси” клуби раҳбарияти жамоа форварди Диего Коста билан тезроқ янги шартнома имзолашни режалаштирмоқда.

Daily Mirror нашрининг хабар беришича, яқин кунлар ичида томонлар ўзаро музокараларни бошлашади. Янги шартнома бандлари ҳақида ҳали хабарлар ошкор этилмаяпти. Лекин, шуниси аниқки, испаниялик футболчи йил сўнггига қадар янги шартномага имзо чекади.

Эслатиб ўтамиз, бундан аввалроқ Коста тўп сурган Мадриднинг “Атлетико” жамоаси ўзининг собиқ футболчисини яна ортга қайтариш борасида “Челси”га таклиф билдираётганлиги ҳақидаги хабарлар тарқалган эди.