18 ёшли футболчи беихтиёр қотилга айланди

“Ренн” клубининг номи сир тутилаётган 18 ёшли  футболчиси электросамокатда 51 ёшли аёлни уриб юборди. 18 июнь куни юз берган ушбу нохуш тўқнашувда жабрланган аёлга тезкор ёрдам кўрсатилганига қарамай, у бир неча кундан кейин вафот этди.

RMC Sports нашрининг ёзишича, воқеа юз берган пайтда самокатда икки киши бўлган. Иккинчи йўловчи ҳали вояга етмаган ва у ҳам “Ренн” жамоасида футбол сир-асрорларини ўрганаётган ўспирин бўлган.

Полиция воқеа айбдорларини алкоголь ва гиёҳвандлик текширувидан ўтказди ва уларда мастлик аломатлари ва маст қилувчи моддалар излари топилмаган.

Айни пайтда самокатни бошқарган 18 ёшли футболчи эҳтиётсизлик туфайли ўлимга олиб келган ҳолат бўйича қамоққа олинган.