19 ёшли жангчи UFC билан шартнома имзолади

19 ёшли қиз Элис Перрейра аралаш яккакурашлар оламидаги энг нуфузли ташкилот - UFC билан шартнома имзолади ва аёллар ўртасида ўта енгил вазн тоифасидаги дивизионга қўшилди.

Бу ҳақда UFC президенти Дана Уайт ижтимоий тармоқдаги саҳифасида маълум қилди.

Маълумот учун, Элис ўзининг профессионал фаолиятини бир ярим йил олдин бошлаган ва шу вақт ичида бешта жанг ўтказиб, уларнинг барчасида муддатидан олдин ғалаба қозонган. Қизиқарлиси, Элис  "Перейра" фамилияси билан кирган бразилиялик олтинчи UFC жангчиси ҳисобланади, бироқ унинг ярим оғир вазн тоифасида амалдаги чемпион Алекс Перрейрага алоқаси йўқ.