2 та гол "Арсенал"га 27 млн еврога тушди

Бразилиялик ҳимоячи Давид Луизнинг бир йиллик фаолияти "Арсенал"га 27 миллион еврога тушди. Бу ҳақда The Athletic нашри хабар тарқатмоқда.

Юқоридаги манбага кўра, “канонирлар” Луизни “Челси”дан 9 млн еврога сотиб олишган. Бундан ташқари, футболчининг агентига 7 млн евро тўлаган. Яна 11 миллионни эса футболчининг ўзи маош сифатида олган.

Лондонликлар жорий ёзда шартномаси тугайдиган Луизга янги шартнома таклиф қилишмоқчи эмас.

33 ёшли Давид Луиз “Арсенал” сафида жорий мавсум 32 та ўйинда майдонга тушди ва 2 та гол ҳамда 1 та голли узатма ёздириб қўйишга эришди. У фаолияти давомида "Витория", "Бенфика", "Челси" ва ПСЖ клубларида тўп сурган.