20 ёшли футболчи “Сити”нинг машҳур юлдузини жамоадан чиқариб юборди

“Манчестер Сити” клуби қишки трансферлар вақтида 34 ёшли Кайл Уокерни кейинчалик сотиб олиш ҳуқуқи билан “Милан”га ижарага юборган эди.

Calciomercato нашрининг маълум қилишича, миланликлар тажрибали қанот ҳимоячисини трансфер қилиш фикридан қайтди. “Милан”да Уокерни беш миллион еврога тўлиқ ўз сафига қўшиб олиш ҳуқуқи бор эди.

Манбага кўра, “Милан”нинг Уокердан юз ўгиришига 20 ёшли ҳимоячи Алехандро Хименес сабаб бўлган. Бу футболчи фавқулодда ишончли ўйнай бошлагани жамоанинг қанот ҳимоясидаги муаммоларини тўлиқ ёпди.

Бундан ташқари, Кайл Уокернинг қўлидан олган жароҳати ҳам унга ўз имкониятларини тўлиқ  намойиш қилиш имконини бермади.

“Милан” сафида 15 та учрашувда қатнашган Кайл Уокер 30 июндан кейин эркин агентга айланади ва ўзига бошқа жамоа топишига тўғри келади. “Манчестер Сити” ҳам собиқ сардорини ортга қайтармайди.