20 ёшли Холанд Кейлор Навас ва Фабиньоларни ортда қолдирди

УЕФА Чемпионлар лигасида ҳафтанинг энг яхши футболчисини аниқлаш бўйича ўтказилган сўровнома ўз якунига етди.

Унга кўра, "Севилья"га (2:2) қарши ўйинда дубль муаллифига айланган "Боруссия" Дортмунд ҳужумчиси Эрлинг Холанд энг кўп овоз тўплади ва ушбу номга муносиб кўрилди.

20 ёшли норвегиялик футболчи бу борада Кейлор Навас (ПСЖ), Фабиньо ("Ливерпуль") ва Сержиу Оливейра ("Порту") каби рақобатчиларини ортда қолдиришга эришди.