2000 йилги Осиё Кубоги Ўзбекистон учун қандай ўтган?
Ads

Яна бир неча кундан сўнг ўн олтинчи Осиё Кубоги старт олади. Шу пайтга қадар ўтказилган қитъа биринчиликларида Ўзбекистон миллий терма жамоаси олти бор иштирок этган.

Вакилларимиз 1996 йил Бирлашган Араб Амирликларида ўтказилган чемпионатдан бошлаб ҳозиргача мунтазам тарзда қатнашишмоқда.

Қуйида ҳамюртларимизнинг Осиё Кубокларидаги иштирокига тўхталиб ўтамиз.

XII ОСИЁ ЧЕМПИОНАТИ. 2000 ЙИЛ

Саралаш босқичида терма жамоамиз 3-гуруҳда жойлашди. Ҳамюртларимиз БАА, Ҳиндистон, Бангладеш ва Шри-Ланка терма жамоалари билан кураш олиб боришди.

Вакилларимиз дастлабки икки баҳсда Шри-Ланка ва Бангладешни бир хил 6:0 ҳисобида таслим этди. Учинчи турда Ҳиндистонни мағлубиятга учратдик – 3:2. Охирги учрашувда БААни битта тўп фарқи билан енгдик – 1:0.

  1. 10. 1999 й. Бангладеш – Ўзбекистон 0:6

Голлар: Миржалол Қосимов 21, Отабек Пирматов 38, Февзи Давлетов 45, Максим Шацких 51, 75, Абдуқаҳҳор Маруфалиев 90

  1. 10. 1999 й. Шри-Ланки – Ўзбекистон 0:6

Голлар: Жафар Ирисметов 3, 24, Февзи Давлетов 30, Николай Ширшов 38, 55, Равшан Бозоров 72

  1. 10. 1999 й. Ҳиндистон – Ўзбекистон 2:3

Голлар: Ш.Раҳмонқулов 17, Андрей Фёдоров 77, Николай Ширшов 85

  1. 10. 1999 й. БАА – Ўзбекистон

Гол: Максим Шацких 72

Ливан мезбонлик қилган қитъа биринчилигида Ўзбекистон МТЖ “С” гуруҳидан жой олганди. Бу – ўлим гуруҳи деб аталганди. Чунки ҳамюртларимиз Япония, Саудия Арабистони ва Қатар билан куч синашдик.

Энг ёмон натижаларимиздан бирини шу йили қайд этганмиз. Қатар билан дуранг ўйнадик – 1:1. Японияга 8:1 ҳисобида ютқаздик. Саудия Арабистони эса дарвозамизга жавобсиз 5 та тўп киритди.

  1. 10. 2000 й. Қатар – Ўзбекистон 1:1

Гол: Миржалол Қосимов 73

  1. 10. 2000 й. Япония – Ўзбекистон 8:1

Гол: Сергей Лушчан 29

  1. 10. 2000 й. Саудия Арабистони – Ўзбекистон 5:0

Чорак финалларда Жанубий Корея Эронни, Хитой Қатарни, Япония Ироқни ва Саудия Арабистони Кувайтни мағлубиятга учратганди.

Саудияликлар ярим финалда Жанубий Кореяни 2:1 ҳисоби билан таслим этди. Япония ҳам Хитойни битта гол фарқи билан ортда қолдирди – 3:2.

Жанубий Корея учинчи ўрин учун баҳсда Хитойдан устун келди – 1:0.

Гуруҳдошларимиз иштирокидаги финалда одам “кун чиқар юрт” вакилларига насиб этди – 1:0. Шу тариқа, японияликлар иккинчи бор Осиёда тенгсиз деб топилишди.