2030 йилги жаҳон чемпионати учун 4 та мамлакат қўшма ариза топширди

Жанубий Американинг тўртта давлати 2030 йилги жаҳон чемпионатини ўтказиш учун қўшма ариза топширди. AFP хабарига кўра, мусобақа Уругвай, Аргентина, Чили ва Парагвайдаги стадионларда ўтказилиши мумкин.

Шунингдек, турнирга мезбон бўлиш учун қуйидаги жамоалар ҳам ариза берган: Марокаш; Испания ва Португалия (қўшма ариза); Болгария, Руминия, Греция ва Сербия (қўшма ариза).

Мезбон (лар) номи 2024 йилда ФИФАнинг 74-конгрессида аниқланади.

Маълумот ўрнида, 1930 йилда Уругвай тарихидаги биринчи жаҳон чемпионатига мезбонлик қилган. 1978 йилда турнир Аргентинада, 1962 йилда эса Чилида ўтказилган. Бироқ Парагвай ҳали турнир ўйинлари ўзида қабул қилмаган.