243 та гол урган Мбаппе ўрнига беш ҳужумчи!

Клиан Мбаппе ПСЖни тарк этиши ойдинлашиб бормоқда. Парижликлар тез фурсатда 25 ёшли форвард ўрнини боса оладиган ҳужумчи топиши керак.

Мбаппе пойтахт клубидаги фаолияти давомида 290 та учрашувда 243 та гол уриб, ПСЖ тарихидаги энг зўр тўпурарга айланган.

Экспертлар яқин келажакда Мбаппенинг ўрнини эгаллаши мумкин бўлган беш нафар истеъдодли тўпурарлар рўйхатини тузди.

Жонатан Дэвид (“Лилль”)

Канадалик ҳужумчи Франция чемпионатига яхши мослашган. Айни пайтда “Лилль” жамоаси  шарафини ҳимоя қилаётган Жонатан Дэвид лигада 132 та учрашувда рақиблар дарвозасини 60 маротаба ишғол қилган.

Лои Опенда (“РБ Лейпциг”)

“Ланс”даги ёрқин ўйинлари туфайли “Лейпциг” жамоасига таклиф этилган 23 ёшли ҳужумчи Бундеслигада ҳам тўпурарлик маҳоратини намойиш қилмоқда. Ўтган мавсум “Ланс” учун 21 та гол урган бельгиялик форвард “Лейпциг”да жами 30 та беллашувда 19 та тўп киритди.

Александр Исаак (“Ньюкасл”)

Исаак анча мураккаб бўлган Англия Премьер-лигасда гол уришни уддаламоқда. Швед ҳужумчиси “қарғалар” сафида 27 та учрашувда рақиблари дарвоўасини 20 маротаба ишғол қилди.

Маркус Рэшфорд (“Манчестер Юнайтед”)

“Пари Сен-Жермен” хўжайини Нассер Ал-Хелаифий англиялик ҳужумчининг ўйинларидан ҳайратда эканини маълум қилган. Маркуснинг ўзи ҳам фаолиятида пасайиш кузатилаётгани боис муҳитни ўзгартириши мумкин.

Лаутаро Мартинес (“Интер”, Милан)

Аргентиналик ҳужумчининг ўйини очилиб кетди. Жорий мавсумда А Сериянинг 21 та учрашувида жами 20 та тўп киритди. 26 ёшли форвард миланликлар сафида умумий ҳисобида 268 та ўйинда қатнашиб, ўз голлари сонини 125 тага етказиб олган.