26 ёшли ММА жангчиси вафот этди. Полиция жиноий иш қўзғатди

Куни кеча аралаш яккакурашлар бўйича Янги Зеландия жангчиси Хакарая Уилсон 26 ёшида вафот этди.

"Daily Mail" нашри хабарига кўра, Уилсоннинг жасади она шаҳри Гисборнда топилган, у ерда спортчи "Rhythm and Vines" мусиқа фестивалига борган. Полиция жангчининг ўлими юзасидан жиноий иш қўзғатди.

Маълумот учун, янги зеландиялик ўзининг сўнгги жангини 2024 йил 27 октябрда Балидаги "Canggu Fight Night 32" турнирида филиппинлик Марк Алкобга қарши ўтказиб, техник нокаут эвазига ғалаба қозонган эди.