3 гол учун йилига 20 миллион фунт..?

Алексис Санчес Премьер Лиганинг энг кўп маош олувчи футболчиси ҳисобланади. Бироқ у «Арсенал»да бажарадиган ҳужумчилик вазифасини Манчестерда бажараётгани йўқ.

Жозе Моуриньо ва «Манчестер Юнайтед» ниҳоят анчадан бери кузатилмаётган қаторасига уч марта ғалабани қўлга киритди.

Чемпионлар Лигаси доирасида «Валенсия»га қарши учрашувдан олдин «қизил иблислар» «Вулверхемптон», «Дерби Каунти» ва «Вест Хем» га қарши бахсларда жамоа ўзига бўлган ишончни орттириб борди.

«Брайтон» ва «Тоттенхем»дан учралган мағлубиятлар шунчаки пастга шўнғиш бўлганди. «МЮ»нинг обрўси шундаки ҳар қандай мағлубият унинг инқирозга юз тутаётгани билан боғлашади. Қаторасига икки мағлубият ва биз парокандалик ҳақида гапира бошладик.

Моуриньонинг Испаниядаги вазифаси каби «тақачилар»га қарши ўйиндан кейин у матбуот олдида чидаб туролмади ва ОАВ орқали энг қиммат футболчиси Поль Погба билан «даҳанаки жанг»ни бошлаб юборди. Бундай ҳолатни кўриб «Манчестер Юнайтед» катта футболдан кўра бемаъни операга ўхшаб қолаётгандек таассурот уйғотади.

«Бёрнли», «Уотфорд» ва «Янг Бойс» каби клублар қўрқиб ўтирадиган жамоалар эмас ва «МЮ» уларнинг ҳаммасини таслим қилди. Хусусан, мавсум бошидан бери танқидларга учраб келаётган Погба ўзини ёрқин тарзда намойиш қилди. Люк Шоу ва Ромелу Лукаку ўйинларини топиб олганини кўрсатишди.

Афтидан Моуриньо қўли остидагиларнинг барчаси ниҳоят спорт формасини тиклаб олгандек кўринади. Бироқ яна бир ечими кутилаётган муҳим масала бор. Бу ҳам бўлса клубнинг энг «пул топар» футболчиси Алексис Санчес ҳисобланади.

Чилилик футболчи тартибли ўйнамоқда. У меҳнаткаш ва самарали ўйин кўрсатмоқда. Ушбу мавсумда бирор футболчи Санчесчалик (9 та) кўп голли имкониятлар яратмаган. «Барселона»нинг собиқ футболчиси «қизил иблислар» ҳужумининг ҳақиқий етакчисига айланган, ушбу тарафдан у ўз ишини аъло даражада уддалаяпти.

Бироқ у бундан ҳам яхшироғини қилиши мумкин. Чилининг ўсмирлар термасини 2007-йилда Жаҳон Чемпионига айлантирган Хосе Сулантай ушбу ҳафтада португалиялик мураббий шогирдининг имкониятларидан тўлиқ фойдаланишда нотўғри тактикадан фойдаланаётганини айтиб ўтди.

«Мен у мувозанатни йўқотгани ва бироз салбий ўйин кўрсатаяпти деган фикрдаман. Агарда у бундай услубда ўйнашда давом этса, у ўзининг аввалги юқори спорт формасига чиқиши қийин кечади» – деди El Mercurio га берган интервьюсида.

«Ҳимоявий услубда Моуриньо унга озгина ёрдам бермоқда, узун паслар орқали тезда ҳужумга ўтишда Санчеснинг фойдаси тегиши аниқ. Умид қиламизки бу янада яхшиланиб бораверади.»

Албатта Моуриньонинг ўйин услуби Марсело Бьелсаникидан тубдан фарқ қилади. Бироқ Алексис профессионал футболчига айланиб улгурган, у турли кўрсатмаларга тезда мослашиб кетиши шарт.

Сулантейнинг гаплари тушунтиришдан кўра кўпроқ узрга ўхшайди. Бундан ташқари Санчес ёмон спорт формасида ҳам эмас. У шунчаки бундай савияда «Манчестер Юнайтед»га келиб қўшилганидан бери ўйнаб келмоқда.

Football Leaks да германиялик журналист Рафаель Бушманн томонидан клуб ва футболчи ўртасида имзоланган шартнома бандлари сизиб чиқарилганди. Ундаги маълумотлар шунчаки ақлга сиғмайди.

Унга кўра, Санчес ҳафтасига 391 346 фунт маоши ва имидж ҳуқуқидан ишлаб топади. Клуб Чемпионлар Лигасида иштирок этадиган бўлса йилига 20.35 миллион фунт ишлаб топади, дегани. Бундан ташқари, содиқлик бонуси сифатида йилига 1.12 миллион фунт олади. Ўйнни асосий таркибда бошласа, ҳар бир ўйин учун 75 минг фунтни санаб олади.

У ҳали «МЮ» учун 40 гол ёки голли узатмани амалга оширишдан йироқ. Бироқ бу рақамлар учун у тағин 2 миллион фунт олиши керак. Агарда «Манчестер Юнайтед» Чемпионлар Лигасини ютса, 1 миллионфу, Премьер Лигани ютса, 500 минг фунт миқдорида бонус олиши белгиланган.

Бушманн хулосасига кўра, Санчес сафда бўлса ва клуб муваффақиятли ўйин намойиш қилаверса, чилилик футболчининг ҳамёни йилига 25 миллион фунтга тўлади, дегани.

У Англия футбол тарихидаги энг кўп маош олувчи футболчига айланди. Моуриньо Пеп Гвардиола қизиқаётган футболчини сўнгги дақиқаларда қўлга киритиб, азалий душманини доғда қолдирган бўлса, клуб бюджетини шунчалик мушкул аҳволга солиб қўйди.

Моуриньога аслида «МЮ» қанча тўлашини аҳамияти йўқ. Пул улар учун аҳамиятли эмас. Муҳими уни клубнинг муҳим футболчисига айланишини умид қилиб олиб келганида. Айни вақтда у шунчаки машинанинг қиммат баллонига айланиб қолган.

Тез орада унинг «Арсенал»дан келганига бир йил тўлади. Бироқ у «Манчестер Юнайтед» учун бор-йўғи учта гол урган.

Декабр ойида у 30 га тўлади. Аммо унинг клуб билан тузган шартномаси яна 4 йил амал қилади. Биз ундан қанчалик самарадорлик кута оламиз? Булар албатта ҳақли савол.

Мухлислар ўртасида Санчеснинг клубга келиши Маркус Рэшфорд ва Антони Марьсялнинг спорт формасига умуман таъсир кўрсатмагани ҳақидаги фикр шаклланган.

Бироқ Моуриньо Санчес билан жамоатчилик олдида бахслаша олмайди. У бу билан ҳеч қандай наф кўрмаслигини билади. Натижада, унинг ўзи ўз спорт формасида бўлмаган Санчесга эга бўлади, холос.