Расман: Бадавлат клуб “Сити” ўйинчисини олди

Англия Премьер-лигасининг “Ноттингем Форест” клуби “Манчестер Сити” тарбияланувчиси Жейм Макэйтини трансфер қилгани расман эълон қилинди.

Иқтидорли футболчи “ўрмончилар”га 25,5 миллион еврога тушди. Жеймс янги жамоаси билан беш йиллик шартнома имзолади.

- Мен ўзимни янги чақирувларга тайёр эканимни ҳис қилдим. Ўтган мавсумни жуда зўр ўтказдим ва олган тажрибаларимга таяниб, нималарга қодирлигимни ва жамоа муваффақиятларига ҳисса қўша олишимни намойиш қилмоқчиман.

Бу жамоага ўтганимдан хурсандман ва янги жамоадошларим билан иш бошлашни интизорлик билан кутяпман. Бу клуб билан боғланган ҳар кимнинг мақсадлари аниқ ва жиддий эканини биламан ва мен ҳам уларнинг бир қисмига айланмоқчиман, - деди Жеймс МакЭйти.

22 ёшли футболчи ўтган мавсумда “Манчестер Сити” сафида жами 34 та учрашувда иштирок этиб, ўз ҳисобига еттита гол ёздириб қўйган эди.