Месут Ўзил: Роналдуга тенг келадиган футболчи йўқ

“Арсенал” клуби ярим ҳимоячиси Месут Ўзил собиқ жамоадоши Криштиану Роналду ҳақида ўзининг илиқ фикрларини билдириб ўтди. Германиялик футболчи “Реал”да фаолият олиб борганда, португалиялик юлдуз футбол тарихида энг яхши ўйинчилардан бири бўлган.

– Мен ҳеч қачон Криштиану Роналдуга ўхшаш футболчини кўрмаганман. У ҳар доим машғулотларга биринчи келар ва сўнгги бўлиб кетадиган профессионалдир. Менга у билан ўйнаш ёқар эди. Роналду футболчи бўлиб ўсишимга ёрдам берган, – дейди Ўзил.

– У тез-тез менинг узатмаларимдан гол уриб турар эди. Агар мен икки марта тўп оширсам, иккисини ҳам гол билан якунлар эди. Криштиану Роналду – футбол тарихидаги энг яхши футболчилардан бири.