48 ёшли Тотти футболга қайтиши ҳақида: Бу ҳазил эмас!

Италия терма жамоасининг собиқ ҳужумчиси Франческо Тотти фаолиятини қайта тикланиши мумкинлиги ҳақидаги хабарларга муносабат билдирди.

“Бу ҳазил эмас, мен таклифни жиддий қабул қилдим. Кўрамиз, келаси йил нима бўлади", - дея Тотти сўзларини келтиради Sport Mediaset.

Аввалроқ 48 ёшли Тотти клублардан таклифлар борлиги ҳақида гапирганди.

Эслатиб ўтамиз, Тоттининг сўнгги иш жойи "Рома" клуби бўлган. У 2017 йилдан 2019 йилгача Рим клубида директор лавозимида фаолият юритган. Франческо "бўрилар" сафида 1992/1993 йилги мавсумдан 2017/2018 йилги мавсумгача ўйнаган. Бу даврда италиялик футболчи жами 783 та ўйинда қатнашиб, 307 та гол ва 209 та голли узатмани амалга оширган.