555, 777 ёхуд Олимпиячиларимиз олган автомобилларига қандай рақам танлашди? (фото)

Хабарингиз бор, Токио-2020 Олимпия ўйинларида ғолиб ва совриндор бўлган спортчиларимизга Президентимиз томонидан мос равишда “Tahoe” ва “Trailblazer” автомобиллари тақдим қилинган. Табиийки, Олимпиячиларимиз бундай совринга мос келадиган давлат рақамларини олишади. Бу борада уларнинг диди чакки эмас.

Бронза медали соҳиби эркин курашчимиз Бекзод Абдураҳмонов ўз машинасига “01 H 777 HH” рақамини танлаган бўлса, Баҳодир Жалоловнинг янги “тойчоғи”да “01 S 555 SS” давлат рақамини кўришимиз мумкин. Қайд этиш жоиз, Жалолов аввалги машиналаридан бирига исм-фамилиясига мос равишда “01 B 007 JA” рақамини олган.