6 футболчи йўқ! Ўзбекистон терма жамоаси Эронга қарши тайёргарликни бошлади

Бугундан бошлаб Ўзбекистон миллий терма жамоаси "ЖЧ-2026 саралаши" доирасидаги Эрон ва БААга қарши ўйинлар олдидан "Жар" стадионида машғулотларни бошлади. Бироз аввал Сречко Катанец октябрь ойидаги йиғинда иштирок этмаслиги маълум бўлган эди. 

Бугун легионерларимиз ва маҳаллий футболчилар машғулот олиб борди. 

Дарвозабонлар - Абдувоҳид Неъматов ва Ботирали Эргашев келди, бироқ Ўткир Юсупов ҳали таркибга келиб қўшилмади. 

Ҳимоячилар - Ҳожиакбар Алижонов, Муҳаммадқодир Ҳамралиев, Шерзод Насруллаев, Фаррух Сайфиев, Рустам Ашурматов, Умар Эшмуродов, Ҳусниддин Алиқулов; Абдуқодир Ҳусанов эртага етиб келади

Ярим ҳимоячилар - Жамшид Искандеров, Одил Ҳамробеков, Отабек Шукуров, Азиз Турғунбоев, Акмал Мозговой, Абдулла Абдуллаев;

Ҳужумчилар - Жалолиддин Машарипов ва Бобир Абдихолиқов; Элдор Шомуродов, Аббосбек Файзуллаев, Остон Ўрунов, Ҳожимат Эркиновлар ҳам эртага келиши кутилмоқда.

Эслатиб ўтамиз, ҳамюртларимиз 10 октябрь куни Эрон билан ўйнайди.