8 та гол урилган баҳсда "Интер" рақибини тор-мор этди

Италия А серияси 15-туридан ўрин олган "Интер" - "Кротоне" баҳси ўз ниҳоясига етди. Унда Антонио Конте шогирдлари рақибини йирик ҳисобда тор-мор этди. Учрашувда жами 8 та гол киритилди, шулардан 6 таси "Кротоне" дарвозасига, қолган 2 таси Ханданович постига йўлланди. Голларга "Интер" сафида Лаутаро Мартинез (хет-трик), Ромелу Лукаку ва Ашраф Ҳакими муаллифлик қилди, "Кротоне" сафида эса Галемичь ва Занеллатолар гол уришди. 

Ушбу ғалабадан сўнг "Интер" 36 очко билан турнир жадвалида пешқадамга айланиб олди. 

• 90'
  

  Ҳакам ўйинга вақт қўшиб бермади. Ўйин якунланди. Матнли трансляцияни Абдулвосид Валихонов олиб борди. 

• 87'
  

  ГООООООООООЛЛЛЛЛЛЛЛЛЛЛЛЛ!!! Ашраф Ҳакими қанотдан ёриб кириб, аниқ зарба йўллади. "Кротоне" ўйинни буткул ташлаб юборди. 

• 85'

  Мессиаснинг зарбаси бироз ноаниқ кетди. 

• 81'
  

  Бастони ўз ўрнини Коларовга бўшатиб берди. 

• 79'
  

  ГООООООООООЛЛЛЛЛЛЛЛЛЛЛЛЛ!!! Лаутарони тўхтатиб қоладиганлар борми? У ажойиб тарзда дарвозабонни доғда қолдирди. 

• 75'
  

  Янг ва Лукаку ўрнига Дармиан ва Перишич майдонга ташланди. 

• 74'
  

  Лукаку тиббий ёрдам олмоқда. 

• 70'
  

  Гальярдини ўрнига Барелла майдонга тушди. 

• 67'

  Бастонининг узатмасига Лаутаро етиб бора олмади. 

• 64'
  

  ГОООООООООЛЛЛЛЛЛЛЛЛЛЛЛЛЛ!!! Лукаку ҳисобни ишончли кўринишга олиб келиб қўйди. 

• 61'
  

  "Интер" бурчак тўпидан муваффақиятли фойдалана олмади. 

• 59'

  Лаутаронинг жарима майдонига узатмаси ўтмади. 

• 57'

  ГОООООООООООЛЛЛЛЛЛЛЛЛЛЛЛЛЛЛЛ!!! Брозовичнинг узатмасини Лаутаро дарвозага жойлаб қўйди. 

• 55'

  Брозович рақиб жарима майдони ичида тўпни қўли билан ўйнади. 

• 52'
  

  Луперто ("Кротоне") сариқ карточка ишлаб олди. 

• 50'

  Сенсининг жарима майдонига узатмаси муваффақиятсиз чиқди. 

• 49'

  Марроне ("Кротоне") жарима майдони яқинида фол ишлатди. "Интер"да яхши стандарт. 

• 48'
  

  Сенси Видаль ўрнига майдонга туширилди. 

• 46'
  

  Иккинчи тайм бошланди. 

• 45'
  

  Танаффус. 

• 45+'
  

  Биринчи таймга 1 дақиқа қўшиб берилди. 

• 43'

  Мессиас йўллаган зарба Хандановичга қийинчилик туғдирмади. 

• 41'
  

  Лаутаронинг яна бир зарбасини дарвозабон қайтаришга эришди. 

• 40'

  Ҳакимининг узатмасини ҳимоячилар қайтариб юборди. 

• 36'
  

  ГОООООООООЛЛЛЛЛЛЛЛЛЛЛЛ!!! Големич пенальтини аниқ амалга ошириб, ҳисобни тенглаштирди. 

• 34'

  Реца жарима майдони ичида йиқилди. Ҳакам ВАР билан боғланиб, пенальти белгилади. 

• 31'
  

  ГОООООООООООЛЛЛЛЛЛЛЛЛЛЛЛЛЛ!!! Николо Барелланинг 100 фоизлик пасидан сўнг, Лаутаро тўпни дарвозага йўналтириб юборди. 

• 29'

  Лаутаронинг зарбаси бироз ноаниқ кетди. 

• 27'

  Брозовичнинг зарбаси дарвоза устидан ўтиб кетди. 

• 25'

  Янгнинг дарвоза томон зарбаси йўлига ҳимоячилар тўғаноқ бўлди. 

• 23'

  Брозовичнинг яна бир зарбаси ҳимоячилар томонидан қайтарилди. 

• 22'
  

  Владимир Големич ("Кротоне") рақибни очиқчасига тўхтатиб қолгани учун огоҳлантирилди. 

• 20'
  

  ГОООООООООЛЛЛЛЛЛЛЛЛЛЛЛЛ!!! Лаутаро Мартинес ҳисобни тенглаштирмоқда. Лукакунинг паси осонлик билан бўйсундирилди ва зарба бехато чиқди. 

   

• 18'
  

  Лукаку офсайдда қолиб кетгани туфайли "Интер" ҳужуми тўхтатилди. 

• 18'

  Мессиас ("Кротоне") жарима майдонига катта тезликда кириб борди. Аммо зарбагача иш етиб бормади. 

• 16'

  Лаутаро ноқулай тарзда узатилган тўпни қабул қилиб, зарба берди. Бироз ноаниқ. 

• 12'
  

  ГООООООООООЛЛЛЛЛЛЛЛЛЛЛЛЛЛ!!! "Кротоне" ҳисобни очмоқда. Занелатто боши билан аниқ зарба йўллади. 

• 11'

  Мессиас ("Кротоне") ҳимоячилардан ўтиб, зарба берди. Аммо сўнгги футболчи тўп йўлига ғов бўлишга улгурди. 

• 8'
  

  Илк сариқ карточка соҳиби - Реца ("Кротоне").

• 5'

  Брозовичнинг зарбаси ўз жамоадошига тегиб, майдонни тарк этди. 

• 4'
  

  Янгнинг бурчак узатмаси анча кучли чиқди. 

• 4'

  Бастонининг жарима майдонига узатмаси ўхшамади. 

• 1'
  

  Ўйин бошланди. 

• 0'

  Жамоалар майдонга чиқиб келишмоқда.

• 0'

  Ассалому алайкум, азиз футбол мухлислари. "Интер" ва "Кротоне" жамоалари ўртасидаги баҳс бошланиш арафасида. Ўйинни Абдулвосид Валихонов матнли трансляция тарзида эътиборингизга ҳавола этади.