АИК 2009 йилдан буён илк бор Швеция чемпиони бўлди

Стокгольма АИК клуби чемпионатнинг "Кальмар"га қарши бўлиб ўтган сўнгги баҳсида 1:0 ҳисобида зафар қучди ва мамлакат чемпионлигини қўлга киритди.

Эътиборлиси, АИК 2009 йилдан буён чемпион бўла олмай келаётган эди.

Швеция чемпионатининг кумуш медаллари "Норрчепинг"га насиб этди. Ўтган йилги чемпион "Мальме" эса бу сафар бронза медаллари билан чекланди.