Агуэро АПЛда Ширернинг тарихий рекордини янгилаши мумкин

Хабарингиз бор кеча Англия премьер-лигасининг 25-тур марказий баҳсида “Манчестер Сити” ўз майдонида “Арсенал”ни қабул қилди ва 3:1 ҳисобида ғалаба қозонди. Шу куни “шаҳарликлар”нинг ҳар уччала голига ҳам Серхио Агуэро муаллифлик қилди.

Эътиборлиси, бу Агуэро учун АПЛдаги 10-хет-трик бўлди. Opta статистик портали тарқатган хабарга кўра аргентиналик тўпурар бу борада афсонавий Алан Ширернинг рекордига яқинлашиб олди. Қайд этиш лозимки Ширер фаолияти давомида премьер-лигада жами 11та хет-трик қайд этган.

Маълумот учун, Агуэро жорий мавсум АПЛда жами 21та ўйинда майдонга тушди ва ўз ҳисобига 14та гол ёздириб қўйишга эришди.

Матнда хатолик топсангиз, ўша хатони белгилаб, бизга жўнатинг (Ctrl + Enter)