Ана холос! Роналду "Ювентус" билан АҚШга бормайди ва "Реал"га қарши ўйинни ўтказиб юборади

Туриннинг "Ювентус" клуби ўзининг янги суперюлдузи Криштиану Роналдуни АҚШда бўлиб ўтадиган мавсумолди турнесига олиб кетмайди.

El Mundo Deportivo нашри тарқатган хабарга кўра жорий ой якунида таътилдан қайтиши режалаштирилган 33 ёшли португалиялик футболчи янги мавсумга жамоадошларидан алоҳида, якка тартибда тайёргарлик кўради.

Шу тариқа Роналду 5 август куни бўлиб ўтадиган “Реал”га қарши ўйинда иштирок этмайдиган бўлди.

Эслатиб ўтамиз, Роналду “Реал”даги 9 йиллик фаолиятидан сўнг “Ювентус”га кўчиб ўтган эди.