Ҳусанов борми? Мареска етти юлдузни кетказади

Келаси мавсум олдидан “Манчестер Сити” таркибида катта ўзгаришлар бўлиши кутилмоқда. Янги бош мураббий Энцо Мареска асосий жамоани оптималлаштиришга бел боғлади.

Клубни тарк этиши мумкин бўлган футболчилар орасида юқори савияли ҳимоячилар ва тажрибали ярим ҳимоячилар ҳам бор. “Манчестер Сити” сафида ўзини кўрсатган ижрочиларнинг трансферидан тушадиган маблағ клубнинг янги харидларини молиявий жиҳатдан қоплаш учун хавфсизлик захирасини яратиши мумкин.

Янги хабарларга кўра, Энцо Мареска фаолиятининг илк босқичида “Манчестер Сити”нинг етти нафар футболчиси билан хайрлашиши айтилмоқда.

Пеп Гвардиола даври якунланганидан сўнг, мураббийлар штаби бошқарувига тайинланган Энцо Мареска учун манчестерликлар унинг аввалги жамоаси “Челси”га 17 миллион фунт стерлинг миқдорида товон пули тўлади. Шу билан бирга, клуб спорт директори Угу Виана янги бош мураббий учун “Ноттингем Форест” ярим ҳимоячиси Эллиот Андерсонни рекорд даражадаги 116 миллион фунт стерлинг эвазига сотиб олиш бўйича келишувга эришди.

Бюджетни мувозанатлаш ва таркибни Энцо Маресканинг юқори интенсивлик ҳамда тактик мослашувчанликка асосланган талабларига мувофиқ шакллантириш мақсадида Угу Виана амалдаги таркибни тўлиқ баҳолашни бошлади.

Аввалига айрим футболчиларнинг кетиши ҳақида тарқоқ хабарлар чиққан бўлса, энди бу сўнгги йилларда “Манчестер Сити”га кўплаб совринлар олиб келган бир қатор муҳим ўйинчилар билан хайрлашиш стратегиясига айланиши мумкинлиги таъкидланди.  

Асосий жамоа 20 июль куни мавсумолди йиғинига қайтади. Шундан кейин клуб Узоқ Шарқ бўйлаб сафарга чиқади. Турне 1 август куни Гонконгда Миланнинг “Интер” клубига қарши ўйин билан бошланади. Унга қадар клуб таркибни яна бир бор жиддий тозалашга тайёр экани ҳақида билдирилди.

Клубни тарк этиши мумкин бўлган етти футболчи

Mail Sport нашри журналисти Жек Гоганнинг маълумотига кўра, Премьер-лига ҳамда хориж клублари қизиқиш билдираётган ҳимоячи Натан Аке ёзда жамоани тарк этиши кутилмоқда.

Шунингдек, 25 миллион фунт стерлингга баҳоланаётган Рико Льюиснинг номи трансфер бозорида, келажаги ҳам яқин ҳафталарда диққат марказида бўлади. “Тоттенхэм” эса Савиони сотиб олиш учун “Манчестер Сити” талаб қилаётган, 60 миллион фунт стерлингдан юқори бўлган маблағни тўлашига тўғри келади.

Бундан ташқари, хорватиялик ярим ҳимоячи Матео Ковачич ҳамда мисрлик ҳужумчи Умар Мармуш ўз фаолиятини давом эттириш бўйича бошқа вариантларни кўриб чиқмоқда. Шу билан бирга, Энцо Мареска ва Угу Виана испаниялик ярим ҳимоячи Нико Гонсалес бўйича ҳам тушадиган таклифларни эшитишга тайёр экани айтилди.

Ой бошида марказий ҳимоячи Рубен Диаш жамоада қолиши ҳақида хабарлар чиққан эди. Бироқ Жек Гоган энди унинг кетиш эҳтимолини ҳам истисно қилмаяпти. Айниқса, у Жозе Моуриньо бошқараётган “Реал”да собиқ жамоадоши Бернарду Силва билан яна бирлашиши мумкинлиги қайд этилган.

Трансфер бозорида занжирли реакция бошланадими?

Рубен Диаш каби етакчи футболчининг кетиши жамоа кийим алмаштириш хонаси учун катта йўқотиш бўлиши мумкин. Бироқ бу клубга қўшимча молиявий имконият ҳам яратади ва Угу Вианага ҳимоя чизиғини кучайтириш учун янги футболчиларни сотиб олиш имконини беради.

Жумладан, “Челси” ҳимоячиси Мало Гюсто ёки ўнг қанот ҳимоясида ўйнайдиган бошқа футболчилар номзод сифатида кўриб чиқилиши мумкин.

Шунингдек, “Тоттенхэм” қанот ҳужумчисини излаётгани ҳисобга олинса, Савиони 60 миллион фунт стерлингдан юқори маблағга сотиш City Football Group орқали амалга оширилган дастлабки сармоядан жуда катта даромад келтириши мумкин.

Угу Виана ҳақиқатдан ҳам ушбу етти трансфернинг барчасини амалга оширадими ёки айрим футболчиларни таркибда сақлаб қоладими, бу ҳали муҳокама қилинадиган мавзу.  Бироқ “Манчестер Сити”нинг ёзги трансфер сиёсати янги ва муросасиз давр бошланганини кўрсатмоқда. Энди бир нечта истиснолардан ташқари деярли ҳеч бир юлдуз футболчи жамоадаги ўрни кафолатланган, деб ҳисоблай олмайди.

Айрим экспертларнинг таъкидлашича, “Манчестер Сити”нинг янги мураббийлар штаби Эрлинг Холанд, Абдуқодир Ҳусанов, Райан Шерки, Марк Гехи, Нико О`Райли, Жереми Докю каби ўтган мавсумда ўзини кўрсата олган футболчиларга янги мавсумда ҳам ишонч билдириши кутилмоқда.

Мундиалда Ҳусанов билан тўқнашган Роналду Абдуқодирга нималар дегани ошкор бўлди

Kicker: "Боруссия" Ўзбекистон терма жамоаси футболчисини олади

Президент Мирзиёев Ўзбекистон терма жамоасининг мундиалдаги иштирокига муносабат билдирди

Шомуродов мундиал кейинги фаолияти ва мақсади ҳақида маълумот берди

Мудиалдан кейин Ўзбекистонга жиддий тавсия берилди

Шомуродов мундиалдаги омадсизлик сабабларини келтириб ташлади

Ўзбекистон футболчиси мундиалдаги омадсизликдан кейин терма жамоадан кетди