Андер Эррера тез орада МЮ билан шартномасини узайтиради

"Манчестер Юнайтед" ярим ҳимоячиси Андер Эррера клуб билан амалдаги шартномасини узайтиришга жуда яқин турибди. Бу ҳақда ESPN нашри хабар бермоқда.

Унга кўра жорий мавсум якунида шартномаси якунига етадиган 29 ёшли испанялик футболчи қишда бошқа жамоалар билан музокаралар ўтказиш ҳуқуқига эга бўлади. Бироқ, МЮ раҳбарияти футболчининг агенти билан алоқага чиққан ва Эррерани “Олд Траффорд”да қолишига кўндиришган.

Маълумот учун, Эррера жорий мавсум "Манчестер Юнайтед" сафида АПЛда ҳозирча 3та ўйинда иштирок этди ҳолос.