Анте Ребичдан кутилмаган қарор
"Айнтрахт" клуби ва Хорватия терма жамоаси вингери Анте Ребич ўзининг келажак фаолияти борасида кутилмаган қарор қабул қилди.
Гап шундаки, 24 ёшли футболчи "Манчестер Юнайтед" ва "Севилья" каби жамоалардан жиддий таклифлар бўлганига қарамай, франкфуртликлар билан амалдаги шартномасини узайтиришга қарор қилди. Унга кўра Ребич энди 2022 йилга қадар "Айнтрахт"да тўп суради.
Маълумот учун, Ребич "Айнтрахт" шарафини 2016 йилдан буён ҳимоя қилиб келмоқда. У ўтган давр мобайнида ушбу жамоада 56та ўйинда майдонга тушиб, рақиблари дарвозасига 12та гол киритишга эришган.
Эслатиб ўтамиз, Ребич Хорватия терма жамоаси сафида ЖЧ-2018да кумуш медалларни қўлга киритган эди.
Фикрлар