Арсен Венгер кимни Анрига ўхшатди?

Лондоннинг “Арсенал” клуби бош мураббийи Арсен Венгер “Монако” форварди Килиан Мбаппени “тўпчилар”нинг афсонавий ҳужумчиси Тьерри Анрига ўхшатди.

“Албатта, Мбаппе Анрининг нусҳаси эмас, аммо, унинг ҳарактери Тьеррига жуда ўхшаш. Потенциали ҳам бир хил.

Килианда ҳам ҳудди Тьерриникидек ғайрат ва фикрлаш бўлса, яна бир неча йилдан сўнг биз ажойиб футболчини кўришимиз мумкин”, - дейди франциялик мутахассис Telefoot нашрига берган интервьюсида.

Маълумот учун, Мбаппе ушбу мавсум Франция чемпионатида жами 14та ўйинда иштирок этган ва ўз ҳисобига 3та гол ҳамда 6та голли узатма ёздириб қўйишга эришган.