"Атлетико" 18 ёшли уругвайлик футболчи билан шартнома имзолади

Уругвайнинг "Насьональ" клуби хавбеки Хуан Санабрия "Атлетико" Мадридга кўчиб ўтди. Бу ҳақда клуб расмий сайти хабар бермоқда.

Унга кўра 18 ёшли футболчи “матрасчилар” билан 2023 йилга қадар шартнома имзолаган. Бироқ, ҳозирча ушбу трансфернинг молиявий томонлари ошкор этилмаяпти.

Маълумот учун, Санабрия Уругвайнинг турли ёш тоифаларидаги терма жамоаларида жами 32та ўйинда иштирок этган ва ўз ҳисобига 2та гол ёздириб қўйишга эришган.