"Атлетико" Бразилия терма жамоаси ҳужумчисини сотиб олмоқчи

Мадриднинг "Атлетико" клуби "Эвертон" ҳужумкор ярим ҳимоячиси Ришарлисоннинг  хизматларига жиддий қизиқиш билдира бошлади. Бу ҳақда Daily Star нашри хабар бермоқда.

Унга кўра “матрасчилар” аллақачон 21 ёшли бразилиялик футболчининг трансфери бўйича “ирисчилар” билан музокараларни бошлаб юборишган. Эслатиб ўтиш лозимки, бундан аввалроқ “Эвертон” раҳбарияти  Ришарлисоннинг нархини 90 млн еврога баҳолаётгани ҳақида хабарлар тарқалган эди.

Маълумот учун, Ришарлисон жорий мавсум АПЛда 25та ўйинда майдонга тушди ва ўз ҳисобига 10та гол ҳамда 2та голли узатма ёздириб қўйишга эришди.