Badiiy gimnastika bo‘yicha klublar o‘rtasida musobaqa o‘tkazildi

Yurtimizda ko‘plab sport yo‘nalishlari bo‘yicha zamon bilan hamohanglik ortib bormoqda. Dunyo miqyosida badiiy gimnastika bo‘yicha klublar o‘rtasida mahalliy va xalqaro turnir tashkil qilinib boriladi. Bundan ko‘zlangan maqsad esa sportchilarning faqatgina terma jamoalar doirasida o‘tadigan bahslarda emas, balki yil davomida yuqori sport formasini saqlab turishdir.

Ana shunday ezgu maqsadlar bilan o‘zimizda ham badiiy gimnastika bo‘yicha gimnastika klublar o‘rtasida musobaqa tashkil qilindi. Poytaxtimizdagi "Universal" sport majmuasi mezbonligida kechgan bellashuvlarda Navoiy, Buxoro, Samarqand kabi viloyatdan 2007-2013 yillar oralig‘ida tug‘ilgan yosh qizaloqlar o‘z toifalarida g‘oliblik uchun bahs olib borishdi. Bunday musobaqalarning tashkil qilinigi o‘sib kelayotgan yosh sportchilarga musobaqalar havosidan ko‘proq havo olish imkoniyatini beradi.