“Барселона” футболчисига 4 клуб қизиқмоқда

Каталониянинг “Барселона” клуби ярим ҳимоячиси Андре Гомеш кўринишидан ёзги трансфер ойнаси вақтида жамоани тарк этади.

Mundo Deportivo хабарига кўра, “кўк-анор ранглилар” португалиялик футболчи борасида 4 клубдан таклиф олди. Бироқ таклифнинг молиявий жиҳатлари уларни қанотлантирмаяпти.

“Барселона” Гомешнинг трансферидан 35 млн евро ишлаб олмоқчи. Боиси, жамоа 2 йил олдин Гомешни “Валенсия”дан айнан шунча суммага сотиб олган.

Унга қизиқиш билдирган клублар орасида “Тоттенхэм”, “Вулверхэмптон”, “Ювентус” ҳамда “Лацио” жамоаларини учратиш мумкин.