"Барселона" сўнгги 15 йилда илк бор "Камп Ноу"да 4 та гол ўтказиб юборди

Каталонияликлар 2018 йилда иккинчи марта ўз дарвозаларидан 4 та ёки ундан кўп гол олиб чиқишди. Ёдингизда бўлса, ўтган мавсум май ойида Эрнесто Вальверде шогирдлари "Леванте"га 4:5 ҳисобида имкониятни бой берган эди.

Умуман олганда, "Барселона" сўнгги 15 йил ичида илк бор "Камп Ноу"да ўз дарвозасидан 4 та тўп олиб чиқди. 2003 йилнинг апрель ойида "Депортиво" Каталонияда "Барселона" устидан 4:2 ҳисобида ғалабага эришган эди.