"Барселона" тезкорлик билан Коутиньога Европа иттифоқи паспортини олиб бермоқчи

"Барселона" клуби раҳбарияти бразилиялик ярим ҳимоячи Филиппе Коутиньога тезкроқ Европа иттифоқи паспортини олиб бермоқч.

Marca нашри тарқатган хабарга кўра “кўк-анор ранглилар” ушбу жараённи 12 августгача, яъни “Севилья”га қарши бўлиб ўтадиган Испания Суперкубоги ўйинига қадар якунлашмоқчи. Чунки, айни дамда “Барселона” сафида Европа иттифоқи фуқароси бўлмаган Коутиньодан ташқари яна 3та футболчи бор. Улар Артур, Малком ва Артуро Видаль.

Айтиш лозимки, “Барселона” белгиланган қоидаларга кўра Испания чемпионати баҳсларида Европа иттифоқидан бўлмаган фақатгина 3та футболчини ўйин қайдномасига киритиши мумкин.

"Барселона" эса ўзининг барча янги футболчилари янги мавсумнинг илк учрашувидан бошлаб майдонда ҳаракат қилишларини истамоқда.