"Барселона" уч нафар футболчисининг сотувидан 100 млн евро ишлаб олмоқчи

Каталониянинг “Барселона” клуби ёзги трансферлар даврида ўзининг уч нафар футболчиси билан хайрлашмоқчи ва бунинг ортидан 100 млн евро ишлаб олишни режалаштирмоқда.

Унга кўра “кўк-анор ранглилар” мавсумлар оралиғида ярим ҳимоячилар Рафинья Алькантара ҳамда Андре Гомеш, шунингдек ҳужумчи Пако Алькасерларни сотиб юборишмоқчи. Ушбу футболчиларнинг трансферидан келадиган маблағларни эса тўппа-тўғри “Атлетико” форварди Антуан Гризманни харид қилишга сарфлашмоқчи.

Қайд этиш лозимки, “Барселона” юқорида номлари тилга олинган ҳар бир футболчини камида 35 млн евродан пулламоқчи.