Gvardiola Husanov va shogirdlari oldiga qiyin vazifa qo‘ydi

“Manchester Siti” bosh murabbiyi Xosep Gvardiola AQShda boshlangan yangi formatdagi klublar o‘rtasidagi jahon chempionati bo‘yicha o‘z fikr-mulohazalarini bildirib o‘tdi.

“Shaharliklar” musobaqaning guruh bosqichida Marokashning “Vidad”, Birlashgan Arab Amirliklarining “Al-Ayn” va Italiyaning “Yuventus” jamoasi bilan kuch sinashadi.

- Bu o‘ta jiddiy musobaqa. Yozda butun dunyo ushbu chempionatni kuzatib boradi. Turnirda bosh sovrin uchun kurashadigan top-darajadagi klublar ko‘p.

Sizlarni ishontirib ayta olmanki, biz g‘olib chiqish uchun bor kuchimizni sarflaymiz. Biz bu chempionatda zafar quchish uchun to‘p tepamiz, - dedi Xosep Gvardiola.

FIFA tomonidan tashkil qilingan nufuzli musobaqada “Manchester Siti” tarkibida O‘zbekiston milliy terma jamoasi markaziy himoyachisi Abduqodir Husanov ham ishtirok etadi.