"Бавария" қишки трансферлар даврида "Атлетико" футболчисини сотиб олади

Мюнхеннинг "Бавария" клуби "Атлетико" Мадрид ҳимоячиси Лукас Эрнандесга жиддий қизиқиш билдира бошлади. Бу ҳақда Marca нашри хабар тарқатмоқда.

Унга кўра немис гранди 22 ёшли франциялик футболчини унинг шартномасида кўрсатилган 80 млн евролик товон пулини тўлаган ҳолда сотиб олмоқчи. Ушбу трансфер эса катта эҳтимол билан қишки трансферлар чоғида амалга оширилади.

Маълумот учун, Лукас Эрнандес асли “Атлетико” тарбияланувчиси ҳисобланади. У 2014 йилдан буён “матрасчилар”нинг асосий жамоасида тўп суриб келмоқда.