Биласизми? Ливанни 1 дона сариқ карточка 1/8 финалдан мосуво этди

Кеча бўлиб ўтган 4 учрашув якунларига кўра, ним чорак финалда ўйнайдиган барча 16 жамоанинг номи маълум бўлди.

Ливан 3-турда КХДР  устидан 4:1 ҳисобида устун келди ўз ҳисобидаги очколар сонини 3 тага етказиб олди. Тўплар нисбати - 4:5. Яхши биласиз, жорий йилги қитъа биринчилигида 6 гуруҳнинг 4 та энг яхши кўрсаткичга эга бўлган 3-ўринни қўлга киритган жамоаси ҳам 1/8 финалда ўйнаш ҳуқуқига эга бўлди.

Ливанда ҳам мазкур тўрт жамоа қаторига кириш имконияти мавжуд эди. Улар Вьетнам билан бир хил очко ва тўплар нисбатига эга эдилар. Бироқ Миодраг Радулович шогирдлари турнир давомида 6 бор ҳакамлар томонидан огоҳлантирилди. Вьетнамда эса бу кўрсаткич 5  га тенглиги боис, ливанликлар мусобақа билан ҳайрлашишларига тўғри келди. Вьетнам эса курашни давом эттиради.