Асосий мазмунга ўтиш
Бокс

Боку-2017: Ўзбек боксчиси кучли рақибни "ер тишлатди"

Изоҳлар: 0

Боку шаҳрида давом этаётган Ислом бирдамлик ўйинлари дастуридан жой олган бокс мусобақасида 69 килограмм вазн тоифасида рингга чиқаётган ҳамюртимиз Бобо-Усмон Ботуровнинг жанг услуби ҳаммага маъқул бўлмоқда.

Дастлабки босқичда фаластинлик Аҳмад Ҳаррарани мағлубиятга учратган ҳамюртимиз чорак финалда туркиялик кучли боксчи Ондер Сипал билан рақобатлашди.

Бу учрашувда ҳам Бобо-Усмон маҳорат ва тажриба бобида рақибидан устунлигини намойиш эта олди. Мустаҳкам ҳимоя ва тезкор зарбага эга боксчимиз Туркия вакилини 5:0 ҳисобида доғда қолдирди.

Бобо-Усмон Ботуров ярим финалда суриялик Аҳмад Госсонга қарши рингга чиқади.

SPORTS.uz

Улашиш
SPORTS.uz'нинг Facebook'даги саҳифасига аъзо бўлинг!

Изоҳлар (0)

Ҳозирча изоҳлар йўқ