«CAFA Women’s Championship 2018»: Бугун 3-тур учрашувлари бўлиб ўтади

Бугун мазкур мусобақанинг 3-тур учрашувлари бўлиб ўтади. Куннинг биринчи ўйинида Ўзбекистон терма жамоаси Эронга қарши баҳс олиб боради. Учрашув соат 13:00да бошланади. Ўйинни Вероника Бернандская бошчилигидаги қирғизистонлик ҳакамлар бошқаришади. Унга қанотларда Жибек Оқил қизи ва Малика Қодирова ёрдам беришади. Захирадаги ҳакам - Ҳуснора Жумаева (Ўзбекистон).

Куннинг иккинчи учрашувида Афғонистон терма жамоаси Қирғизистон билан куч синашади. Ўйин соат 16:00да бошланади. Учрашувни эронлик ҳакамлар гуруҳи бошқаради. Бош ҳакам - Сурур Саидий, унга қанотларда Ҳабиба Рабавикетаб ва Жолиҳ Тўфанпур ёрдам беришади. Захирадаги ҳакам - Александра Кончикова (Ўзбекистон).

Барча учрашувлар "Миллий" стадионида бўлиб ўтади.