Пойтахтимиздаги "Универсал жампинг" от спорти клубида марҳум чавандоз, от спортининг ашаддий муҳлиси, жаҳон чемпиони Жўрақўзи Турдиматовни хотирлаб мусобақа ўтказилди ҳамда эҳсон дастурхони ёзилди. Марҳумнинг дўстлари, тенгдошлари, ҳамкасблари, улфатлари, спорт муҳлислари, мураббийлар томонидан илиқ сўзлар билан хотирланди. Сўнгра тиловат қилиниб, ош тортилди.

P.S. Жўрақўзи Турдиматов 1958 йил 20 ноябрда Фарғона вилоятида туғилган. Умрининг асосий қисмини спортга, аксарият от спортига бағишлади. От пойгаси бўйича Жаҳон чемпиони бўлди. От спорти федерациясида, улоқ-кўпкари федерациясида узоқ йиллар самарали меҳнат қилди. Оғир хасталикдан сўнг, 2018 йил 9 сентябрда вафот этди.