"Челси" 16 йилда илк бор бундай ишни амалга оширди

“Челси” Англия Премьер-лигаси 34-турида “Саутгемптон”ни 3:2 ҳисобида мағлуб этди.

Антонио Конте жамоаси 70-дақиқагача 0:2 ҳисобида ортда бораётган эдилар. Аммо кейинги дақиқалар давомида улар 3 та тўп киритишга эришдилар.

Улар 2002 йилнинг август ойидан буён илк бор 0:2 ҳисобида ортда қола бориб туриб, иродали ғалабани қўлга киритишди.

Ўшанда Клаудио Раньери бошлиқ “аристократлар” “Чарльтон”ни 3:2 ҳисобида мағлуб этишган эдилар.