"Челси" ҳам "Айнтрахт" ҳужумчиси учун курашга қўшилди

Франкфуртнинг "Айнтрахт" клуби форварди Лука Йович Европа грандлари қизиқишлар марказида бўлиб турибди.

Bild нашри тарқатган хабарга кўра 21 ёшли сербиялик футболчи учун “Челси” ҳам курашга қўшилди. “Аристократлар” уни ёзда шартномаси якунланадиган 32 ёшли франциялик ҳужумчи Оливье Жирунинг ўрнига муносиб ўринбосар сифатида қарашмоқда.

Эслатиб ўтамиз, бундан аввалроқ Йовичга “Реал” ва “Барселона”дан ҳам қизиқишлар мавжудлиги ҳақида хабарлар тарқалган эди.

Маълумот учун, Йович жорий мавсум Бундеслигада 19та ўйинда майдонга тушди ва ўз ҳисобига 14та гол ёздириб қўйишга эришди.