"Челси" ва Виллиан ўзаро келиша олмаяпти

Лондоннинг “Челси” клуби раҳбарияти жамоа вингери Виллиан билан шартномани узайтириш борасида келиша олмаяпти.

Таъкидлаш керакки, томонлар ўртасидаги келишув 2020 йилга қадар имзоланган. Бразилиялик футболчи эса ушбу келишувни яна 3 йилга узайтирмоқчи. Аммо, “аристократлар” раҳбарияти унинг бу йил 31 ёшга тўлишини ҳисобга олиб унга фақат бир йиллик шартнома таклиф қилмоқда.

Эслатиб ўтамиз, Виллианга бундан аввалроқ ПСЖ ва “Барселона” каби клублардан жиддий қизиқишлар мавжуд эканлиги ҳақида хабарлар тарқалган эди.