"Челси"ни ЕЧЛда чемпион қилган мураббий клуб машғулотига ташриф буюрди (ФОТО)

Италиялик машҳур футболчи ва мураббий Роберто Ди Маттео ўзининг собиқ жамоаси ҳисобланган "Челси" машғулотларига ташриф буюрди.

“Аристократлар” расмий сайтининг хабар беришича 48 ёшли мутахассис жамоанинг Кобхэмдаги базасига борган ва у ерда ҳамюрти Маурицио Сарри ҳамда унга ассистентлик қилаётган собиқ жамоадоши Жанфранко Зола билан сухбатлашган.

Эслатиб ўтамиз, Ди Маттео “Челси”ни 2012-2014 йилларда бошқарган ва бу вақ орасида УЕФА Чемпионлар лигаси ва Англия кубогини қўлга киритган. Айни дамда “Челси” сафида у билан бирга фаолият олиб борган футболчилардан фақатгина Давид Луис, Гарри Кэйхил, Сесар Аспиликуэта ва Эден Азарлар тўп суришмоқда.