David Luis "Chelsi"ning taklifini rad etdi

Londonning "Chelsi" klubi yozda o‘zining asosiy himoyachisi David Luisni yo‘qotishi mumkin.

Xabarlarga qaraganda “aristokratlar” 31 yoshli braziliyalik futbolchiga yangi shartnoma taklif qilishgan, ammo u buni rad etgan. Endi Luis mavsum yakunlangach jamoani erkin agent sifatida tark etishi mumkin.

Eslatib o‘tamiz, bundan avvalroq David Luisga Braziliyaning “Flamengo” klubidan qiziqishlar bo‘layotgani haqida xabarlar tarqalgan edi.

Ma’lumot uchun, u joriy mavsum “Chelsi” safida jami 30ta o‘yinda maydonga tushdi va o‘z hisobiga 2ta gol va 2ta golli uzatma yozdirib qo‘yishga erishdi.