Дэвис кубоги. Бугун теннисчиларимиз британиялик рақибларига қарши кортга чиқишади
Ads

Унда Буюк Британия ва Ўзбекистон термалари ўзаро баҳс олиб боради. Бугун яккалик баҳслари орқали жамоалар ўзаро ҳисоб-китоб қилиб олишади.

Дастлаб Ўзбекистоннинг биринчи ракеткаси Денис Истомин Даниэль Эвансга қарши кортга чиқади. 28 ёшли ракетка устаси айни вақтда ATP рейтингида 222-ўринда бормоқда. 

Сўнг кортга Жўрабек Каримов ва Кэмэрон Норрилар тушишади. 23 ёшли Норри айни вақтда ATP рейтингида 70-поғонани эгаллаб турибди. Маълумот учун, Каримов рейтингда 434-поғонада бормоқда.

Эртага жуфтлик баҳслари ўтказилади. Ҳозирча терма жамоамиз сардори Петр Лебедь ушбу баҳсга Денис Истомин ва Санжар Файзиевни рўйхатдан ўтказган. Бугунги учрашувларга қараб, жуфтлик беллашувларида ўзгариш бўлиши мумкин.

Дэвис кубогига оид энг сўнгги янгиликларни SPORTS.uz да кузатиб боринг!

"Дэвис кубоги". Жаҳон лигасига чиқиш учун плей-офф ўйинлари.

Шотландия. Глазго. "Эмирейтс арена". Хард корт.

14-16 сентябрь. 5 та учрашув.

Буюк Британия - Ўзбекистон.