Dide Drogba faoliyatini yakunladi

Afsonaviy ivuarlik hujumchi Dide Drogba futbolchilik faoliyatiga yakun yasadi. 40 yoshli futbolchi so‘nggi marta Shimoliy Amerikaning ikkinchi ligasi USLda pley-off bosqichi doirasida “Finiks Rayzing” – “Luisvill Siti” (0:1) o‘rtasidagi uchrashuvda maydonga tushdi va jamoasi kichik hisobda mag‘lub bo‘ldi.

Drogba butun faoliyati davomida “Le Mann”, “Gengam”, “Marsel”, “Chelsi”, “Shanxay Shenxua”, “Galatasaroy”, “Monreal Impakt” jamoalari to‘p surgan. Shuningdek, Kot-d’Ivuar terma jamoasi safida 104 o‘yin (65 gol) o‘tkazgan.