Ямал Чемпионлар лигасида "Барселона"га муаммо туғдириши мумкин бўлган икки жамоани айтди

«Барселона»нинг ёш вингери Ламин Ямал Чемпионлар лигасида каталонияликларга жиддий қаршилик кўрсатиши мумкин бўлган бир нечта жамоани санаб ўтди.

«Биздаги заиф томон айниқса «Бавария» ёки «ПСЖ» каби жамоаларга қарши ўйинларда кўринади. Чунки улар жисмонан анча кучли – сени бутун ўйин давомида кўп югуришга, бир дақиқага ҳам диққатни йўқотмасликка мажбур қилади. «Арсенал» билан ўйин эса бошқачароқ. У ерда ўйин кўпроқ тактика ва тўп назоратига боғлиқ», – дейди у.

Ямалнинг таъкидлашича, «ПСЖ» Чемпионлар лигасидаги асосий даъвогарлардан бири ҳисобланади, аммо парижликлар олдида катта синов бор.

«Менимча, «ПСЖ» – Чемпионлар лигасидаги фаворитлардан бири, лекин уларнинг асосий муаммоси шундаки, кубокни ҳимоя қилиш жуда қийин. Футболда энг оғир иш – шу. Менинг ғалабадан кейинги энг катта хавотирим ҳам шу: биз ҳаддан ташқари хотиржам бўлиб қолишимиз мумкин», – дея Ямалнинг сўзларини The Touchline келтиради.

«Барселона» ўзининг навбатдаги Чемпионлар лигаси учрашувини 13 октябрь куни сафарда «Галатасарай»га қарши ўтказади.