«Эль Классико»дек машҳур дерби борлигини биласизми?

Буэнос-Айрес гранди Жанубий Американинг энг машҳур дербисида икки ўйин ўтказади. Бундай спектаклни ўтказиб юбормаслик керак. Жанубий Америка грандлари ўртасидаги ўйин «Реал» - «Барселона» ўртасидаги учрашувдек муҳим аҳамиятга эга.

Бундай муҳим дербилар борми? «Ливерпуль» – «Манчестер Юнайтед»? Ёки «Эль Классико»? «Бавария» – «Боруссия Д», «Милан» – «Интер»? Европанинг ушбу дербилари албатта муҳим, бироқ якшанба бошланадиган «Ривер Плейт» ва «Бока Хуниорс» ўртасидаги дерби ҳам улардан қолишмайди.

Машҳур «суперклассико» бу сафар ўзининг юқори нотасида бўлиб ўтади. Иккала жамоа Либертадорес Кубогининг финалида тўқнаш келишади. Жанубий Американинг биринчи рақамли мусобақаси бу сафар ҳар қачонгидан ҳам анча шиддатли, томошабоп ва қизиқарли кечиши кафолатланган, десак муболаға бўлмайди.

Океан ортидаги турнирнинг Европадаги муқобил вариантини топиш қийин. Бу дерби Аргентина учун кўп нарсани англатади. Испаниянинг икки гегемон клублари орасидаги азалий рақобат бунга яқинроқ намуна бўла олиши мумкин. Бироқ Лотин Америкасидаги дерби фақатгина спорт нуқтайи назаридан фарқ қилиши мумкин.

Авваллари «Манчестер Сити»нинг ўртамиёна клуб эканлиги сабабли «Ливерпуль»га қарши учрашувлар «қизил иблислар» учун ҳаёт-мамот ўйинига айланиб кетарди. Бироқ бу вазият сўнгги ўн йилликда ўзгарган. Абу Дабидан пулларнинг оқиб келиши ортидан «шаҳарликлар» МЮнинг жиддий рақибига айланиб бормоқда ва бу дербининг ҳам номи чиқиб бормоқда. Бундан ташқари, Милан дербиси, «Челси» – «Вест Хэм», Мадрид дербиси, «Бенфика» – «Спортинг» кабилар ҳам бор. Аммо Буэнос Айрес кўчасидаги зиддият булардан анча шиддатлироқ кечади. Жанубий Американинг энг номдор клублари нималар тайёрлаб қўйганини ўтириб томоша қилган маъқул.

Икки жамоа бир вақтлар қўшни эди. 20 аср бошида Ла Бока портига Испания ва Италиядан келган иммигрантлар яхшироқ ҳаёт излаб бу жойларда ўрнашиб қолади.

«Ривер Плейт» 1923-йилда шаҳарнинг шимолидаги туман - Нуньесга бориб жойлашади. Генуяликлар эса (иммигрантларнинг кўпчилиги Генуядан келгани сабабли шундай аталган) ўз жойида қолди. Ўшанда бошланган рақобат тобора йириклашиб борди ва ниҳоят бу дерби ижтимоий-иқтисодий аҳамият касб этди. «Ривер Плейт»ни ўша вақтларда асосан ўрта ва юқори табақа қўллаб-қувватлагани боис уларни «миллионерлар» деб аташган. Клуб ҳам ўз навбатида юлдузларни ўз сафига қўшиб олаверган. «Бока Хуниорс»да эса асосан иммигрантлар, қора ишчилар, хуллас кунини зўрға кўрадиганлар клуб шарафини ҳимоя қилишган.

Йиллар ўтиб иккала жамоа ҳам Аргентинанинг энг кучли ва номдор жамоаларига айланиб борди. «Бока» ҳозирги кунга келиб мухлислари сони билан мақтанса арзийди. Бутун Аргентинада Суперклассиконинг 40 % мухлислари айнан шу клуб тарафдорлари ҳисобланишади. «Ривер Плейт» эса 26 % дан сал кўпроқ мухлисларига эга.

Хуан Роман Рикельме бирвақтлар «дунёнинг энг чиройли ўйини» дея таърифлаганди. У бундай дербида иштирок этган суперюлдузлардан бири ҳисобланади. Бир асрдан ортиқ вақт давомида 246 дан кўп ўйналган давр ичида Диего Марадона, Ариель Ортега, Габриель Батистута, Даниель Пассарелла, Омар Сивори, Антонио Раттэн ва бошқа кўплаб жаҳон таниган юлдузлар Суперклассиконинг атмосферасидан нафас олган. “Бока Хуниорс” 246 учрашувнинг 88 тасида ғалаба қозонган бўлса, рақиби ҳисобида 81 ғалаба бор.

Миллионлаб одамлар Либертадорес финалида истиқболли жанжаллар билан тўқнаш келади. Икки жамоа иштирокидаги сўннги Кубок финалида «Ривер»нинг бир неча футболчилари мухлисларнинг ҳужумидан кейин шифохонага ётқизилган.

Икки ўйиндан иборат ўйинда ҳар сафар мезбон жамоа мухлислари меҳмонларни яхшигина «сийлаб» кутиб олишган. Бунга Аргентина президенти ва «Бока» хўжайини Маурисио Макрининг аралашуви билан иккала клуб мухлислари меҳмонларни футбол фесвалида тинчигина кутиб олиш чақирувигача бориб етган.

Мана шундай тарихга эга дерби 10 ва 24-ноябрь кунлари бўлиб ўтади. «Ривер» таркибида Паласиос каби 20 ёшли иқтидор вакили бор. Уни «Реал» билан боғлашмоқда. Бундан ташқари таркибда Гонсало Мартинес, Мигель Алмирон каби Жанубий Американинг бўлажак юлдузлари бор. Жаҳон Чемпионатида ўзини кўрсатган дарвозабон Франко Арманини кўриш ҳам қизиқ бўлади.

«Бока»да ҳам истеъдод вакиллар талайгина. «Арсенал» нишонига айланган Кристиан Павон ёки уругвайлик Нахитан Нандеслар бор. Бундан ташқари дунё таниган ветеранлар – Карлос Тевес ва Фернандо Гаголар захирадан тушиб ўзларини кўрсатиши мумкин.

Либертадорес ва Жанубий Америка футболи бой бўлмаслиги мумкин, бироқ иқтидорлар бўйича улар Европадагилардан мутлақо қолишмайди. Ушбу дерби қизиқарли кечиши ва мухлисларга олам-олам завқ улашиши турган гап.