Енгилмас чемпионлар ўртасидаги супер жанг 2018 йилда ўтказилиши мумкин

  • 20 январь, 2018, 12:23
  • 0
  • Бокс

Супер оғир вазнли тоифада жаҳон чемпионлари америкалик Деонтей Уайлдер ва британиялик Энтони Жошуа ўртасидаги тўқнашув 2018 йилда бўлиб ўтиши мумкин. Бу ҳақда Жошуанинг промоутери Эдди Хирн SkySports телеканалига берган интервьюсида хабар қилган.

Бизнинг мақсадимиз бу жангни йил охирига қадар ўтказиш, – дейди у. – АҚШда бизни яхши билишади, аммо биз жангни Буюк Британияда ўтказишни афзал билмоқдамиз. Агар Америкага боришга тўғри келса ҳам, бу муаммо эмас.

Уайлдер Бутунжаҳон бокс уюшмаси (WBC) чемпиони ҳисобаланади. У профессиональ рингда мағлубият нималигини билмай келаётир. 38 ғалаба (37 нокаут).

Жошуа Бутунжаҳон бокс ассоциацияси (WBA) ва халқаро бокс федерацияси (IBF) чемпионлик камарлари соҳиби. Унинг ҳисобида 20 ғалаба (барчаси нокаут).

Фикрлар

Фикр қолдириш учун авторизациядан ўтинг!