Ertaga "Lokomotiv"ning "Al Vahda"ga qarshi uchrashuvidan oldingi matbuot anjumani o‘tkaziladi

4 mart kuni "Lokomotiv" Osiyo chempionlar ligasi guruh bosqichi doirasida 1-tur uchrashuvini o‘tkazadi.

"Lokomotiv" dushanba kuni o‘z maydonida BAAning "Al Vahda" klubiga qarshi bahs olib boradi. Shu munosabat bilan ertaga, 3 mart kuni o‘yinoldi rasmiy matbuot anjumani o‘tkaziladi.

Matbuot anjumani soat 12:00da boshlanadi hamda TTZ "Lokomotiv" stadionining matbuot anjumanlari zalida tashkil etiladi. Bunda har ikki jamoa bosh murabbiylari bilan birgalikda bir nafardan futbolchi ishtirok etadi.